Eu teño un chifre chifreiro.
Eu teño un chifre chifrón,
tan chifrador e algareiro
que a todos chama a atención.
Eu teño un chifre chifreiro
que mo mercaron na feira.
¡O seu alegre asubío
resoa na aldea enteira!
Eu dou ordes co meu chifre
ando a ordenar con chifrazos:
-¡Que florezan as roseiras,
que chíen ben os paxaros...!
-¡Que maduren as cerdeiras,
as figueiras e os mazairos!
¡E que veñan ben cargados
de xoguetes os Reis Magos...!
-¡Teño un chifre de verdade!
¡Teño un chifre verdadeiro!
¡Non quero chifres de palla
nen de casa de salgueiro...!
No hay comentarios:
Publicar un comentario